Anay punong barangay kag lima ka iban pa, gin-aresto sa paglapas sang Anti-Graft and Corrupt Practices Act bangud sa maanomaliya nga pagpanagtag sang ESA

226

Pontevedra, Capiz – Arestado sang mga kapulisan ang anay punong barangay sang Barangay Tacas, Pontevedra, Capiz nga si Junar Bautista upod sa iban pa nga mga persona nga amo sanday Roda Bautista, Nenita Bautista, Gina Tabuctilde, Feliciano Tabuctilde kag Eduardo Denolo sa kaso nga paglapas sa Sec. 3 sang RA 3019 o Anti-Graft and Corrupt Practices Act.

Sa maduduman nga ginpapanaugan sang warrant of arrest nagikan sa korte ang nasambit nga mga persona matapos madalahig sa maanomaliya nga implementasyon sang Emergency Shelter Assistance ukon ESA sa Barangay Tacas, Pontevedra.


Nahibaluan nga nagpasaka sang reklamo sa Office of the Ombudsman-Visayas ang mga residente batuk sa anay punong barangay kag mga kaupdanan sini bangud sa indi patas nga pagpanghatag sang ESA sa mga benipisyaryo sa nasambit nga barangay.
Ang Emergency Shelter Assistance, ginapanghatag sa mga benipisyaryo nga nangin biktima sang Typhoon Yolanda sang tuig 2013. Samtang nagbayad naman sang piyansa nga tig P30,000 ang mga akusado para sa ila temporary nga kahilwayan.

Facebook Comments

From Advertisers