Anay sundalo nagbabaligya hin illegal drugs, arestado han PDEA

TACLOBAN CITY – Arestado an anay sundalo ha gindumara nga buy-bust operation han PDEA ha Brgy. Pawing Palo, Leyte dida han myerkules, November 15, 2017.

Sumala han PDEA, ginkilala an suspek nga hi Disocoro Montuya, enlisted personnel han Armed Forces of the Philippines, 38 anyos, usa nga driver ngan residente ha nasabi nga lugar.
Arestado gihapon an iya upod nga hi Basilio Atrihenyo, 53 anyos, waray asawa, usa gihap nga drayber ngan residente gihap ha nasabi nga lugar.

Napalit tikang ha mga suspek an 2 ka sachet hiton gin aaligar illegal nga droga nga nagkakantidad P1000.00


Maatubang hi Montuya ha mga kaso han RA9165 ngan hi Atrihenyo in conspiracy han RA9165.

Paslak na an duha nga suspek ha PDEA Dention Facility.

Facebook Comments