ANDAM NA|Siguridad sa summer-vacation andam nang ipatuman

19

General Santos City—Andam na ang kapulisan alang sa ipatumang siguridad alayon sa Oplan Sumvac sa PNP tungod sa gilaumang pagdagsa sa mga pasahero ug bakasyonista dinhi sa Gensan.

Kini gibutyag ni PCI Jovenson Bayona- tigpamaba sa Gensan City PNP. Sumala ni Bayona nga naplastar na nilang daan ang security plan ug andam na ang kapulisan sa pagpatuman niini.

Kalabot niini himuong prayoridad sa kapulisan ang pagbantay sa mga terminal kung asa posibleng dugukon ug mga pasahero ingon man ang mga beach sa Gensan nga dagsaon sa mga maligo nga mga residente ug mga bakasyonista gikan sa ubang mga probinsya.

Samtang sa mga kadalanan duna matud pay ipangmuntar nga mga motorist assistance desk nga maoy muhatag pagtagad sa mga problema sa trapiko, mga motorista ug mga pasahero.

Matud ni Bayona nga daan nang gipatawag sa Regional Headquarters ang tanang hepe sa mga Police Stations sa Gensan alang sa implementasyon sa siguridad sa summer vacation.

Facebook Comments