Andanar: PhilSys, Federalism gihikutar na

Davao City – Gipaneguro karon ni Presidential Communications Operations Office (PCOO) Sec. Martin Andanar nga mas paspas ang serbisyo ingon man mamahimong mas episyente ang gobyerno kun mapatuman na ang Philippine Identification System kun PhilSys.

Atol sa interbyu kaniya sa tulumanong Straight to the Point, gibutyag niini nga dakung tabang ang PhilSys Act sa mga lungsuranon ilabi na sa mga overseas workers diin dili na sila maglisud pa og kuha sa mga credentials sama sa NBI Clearance lakip ang pagpang-apply og pasaporte sa Department of Foreigh Affaiirs (DFA).

Bisan pa man kun adunay nisupak niini diin posibleng matud pa makalapas sa privacy sa usa ka indibidwal, gipasabot ni Andanar nga responsibilidad sa gobyerno ang pagahatag og seguridad sa mga impormasyon aron protektahan ang lungsuranon.


“We should be happy na mas madali ang buhay ngayon escpecially those who are in need of IDs sa mga opisina,” segun niini.

Tumong niini nga pakigbatukan ang kurapsyon, resolbahon ang bureaucratic red tape, ug solusyonan ang terorismo.

Gidugang usab ni Andanar nga gihugtan na karon sa Inter-Agency Federalism Group ang pag-finalize sa communication ug campaign strategy niini.

“Karon, nagplano na ang DILG, Office of Executive Secretary, ug ubang mga members sa ConCom kun unsay ilang approach kun messaging nga gamiton diin apil sa meeting ang pagpili sa mga spokesperson sa national ug local,” tataw niini.

Gibutyag ni Andanar nga mas epektibo kung lokal nga personahe sama sa mayor ug gobernador ang magpasabot bahin sa Federalismo.

RadyoMaN Jason Amisola

Facebook Comments