Annual Pensioners Information Revalidation kon APIR, gipatuman sa GSIS

51

Ang Annual Pensioners Information Revalidation kon APIR, usa ka nag-unang personal appearance sa Government Service Insurance System kon GSIS.

Kini ang gibutyag ni Engr. Rosalinda Mendoza ang Branch Manager sa GSIS sa interview sa dxCC-RMN Cagayan de Oro.

Matud ni Engr. Mendoza nga ang APIR mao ang kanhi Annual Renewal of Active Status kon ARAS, nga ulahing gipatuman sa ahensiya niadtong tuig 2011.

Dugang pa ni Engr. Mendoza, nga gibalik sa GSIS ang unang personal appearance, tungod kay kinahanglan maapingan sa GISIS ang pondo sa usa ka pensioner.

Gawas niini, gisiguro usab sa GSIS nga ang pensioner mismo ang modawat sa iyang pensiyon ug dili ang ubang tao.

Samtang adunay mass reactivation nga himoon alang sa APIR gikan Marso 23 hangtud HUnyo ning tuiga.

Sa mao nga adlaw, kinahanglan mag-APIR ang tanang old age pensioners ug survivorship pensioners, nga nag-edad sa 79 anyos paubos.

Gidugang ni Engr. Mendoza, nga dili lakip sa mass reactivation sa APIR ang mga permanent total disability pensioners, old age pensioners nga active GISIS members, guardians sa dependent children, pensioners nga nag-edad og 80 anyos nga adunay dili maayong kahintang sa panlawas, pensioners nga atua sa abroad ug pensioners nga anaa sa Autonomous Region in Muslim Mindanao kon ARMM areas.

-o0o-
By: RadyoMan Mishelle Mesias-Enloran

Facebook Comments