Anti-Bastos Law dakong tabang

46

Davao City – Dako sumala pa ang ikatabang sa Anti-Bastos Bill nga bag-ohay lamang gipirmahan ni Presidente Rodrigo Duterte labi na alang sa mga kababayen-an ug huyang nga mga kabataan.

Sa interbyu sa DXDC RMN Davao kang Cherie May Arena, taga Riverside, Calinan, Davao City, gisaysay niini nga usa siya sa nabiktima na sa pagpangbastos rason nga angay pahugtan ang pagprotekta labi na nga sagad sa nahisgutan naimpluwensyahan sa mga dili maayong talan-awon sa internet.


“Daghan nabastos verbally ug physically, dapat silotan na sila. Dapat hugtan na gyud na nga balaod karon labi na sa panahon karon ang mga utok sa tao lahi na tungod sa mga porn or unsang kabastosan nga ginatan-aw sa internet unya giapply sa personal,” saysay ni Arena.

Nasayran nga tumong sa Safe Space Bill kun ang Anti-Bastos Bill mao ang pagbatok sa gender-based sexual harassment sa kadalanan, pampublikong lugar, online, trabahuan ug educational and training institutions.

Subay sa Republic Act No. 11313, gidili na ang catcalling kun panaghoy, pagpanghikap, mga homophobic, transphobic o misogynistic remarks kun negatibo ug sekswal nga pagtawag sa mga babaye o bisan sa mga miyembro sa LGBT, unwanted invitations ug uban pang klase sa gender-based harassment.

RadyoMaN Kirby Manzon

Facebook Comments

From Advertisers