ANTI-DRUG OPERATION, USA NADAKPAN SAMTANG KAUBAN NAKASIBAT SA SOUTH COTABATO

23

GENERAL SANTOS CITY- Nadakpan ang usa ka lalaki samtang iyang kauban nakasibat atol sa gihimong anti-drug operation sa Philippine Drug Enforcement Agency 12 sa Banga, South Cotabato gahapon sa hapon Huwebes (July 11, 2019).
Giila sa PDEA 12 ang suspek sa pangalang Jeffrey Rato, 35 anyos, single, residente sa Agan, Barangay Libertad, Surallah.
Matod kay PDEA 12 Regional Director Naravy Duquiatan, si Rato naaresto daplin sa dalan sa Purok Mabini, Brgy. Lamba, Banga, South Cotabato.
Kini human gibaligyaan niini ang PDEA agent og iligal nga droga kantidad og 1,000 pesos.
Samtang ang nakasibat nga kauban niini giilang si Musid Alamada.
Kasong pagsupak sa Section 5 (Sale of Dangerous Drugs), sa Comprehensive Dangerous Drugs Act of 2002 ang giatubang ni Rato og gipaslak na sa PDEA ROXII Detention Facility.
For more info’s and updates, like and share our official facebook account : www.facebook.com/ifm91.9Gensanofficial/

[image: 66450336_359944078049863_5570695887128100864_n.jpg]


Facebook Comments

From Advertisers