Anti- Duterte attacks ‘orchestrated’

Gitataw karon ni Presidential Spokesperson Undersecretary Ernie Abella nga adunay panglantaw karon nga kining tanang mga serye kun kutay sa mga negatibong reports kalabot sa performance sa Duterte administration malagmit parte ug kabahin sa usa ka ‘orchestrated move.’

Agig tubag sa pangutana sa mga magsisibya atol sa Friday news briefing sa palasyo sa Malacañang sa senaryong anti-Duterte demolition job, gibutyag sa tigpamaba sa rehimen nga malagmit aduna kiniy basihan.

“There seems to be some form of orchestration in order to put the President in a particular light,” segun ni Abella.


Una niini, subling ni-ulbo ang kaspa sa pamuno-nasud sa dihang gi-alegar sa seven-member delegation of the International Delegates of the Progressive Alliance nga angay nang tangtangon ang Pilipinas gikan sa United Nations Human Rights Council (UNHRC) gumikan sa isyung war on drugs.

Agig tubag, gibaharan sa presidente kagahapon ang mga European Union (EU) diplomats nga mamahimong molayas na sila ensigida gumikan makonsidera kini nga padayong pagpanghilabot sa mga langyaw sa internal ug domestic nga kalihukan sa usaka independiyente ug gawasnong nasud nga adunay kaugalingong soberanya.

RadyoMan June Duterte

Facebook Comments