General Santos City—patay human nisukol sa kapulisan ang suspetsadong Pusher ug droga atol sa gihimong operasyon sa may Purok 9, Barangay Poblacion Tacurong City niadtong nakalabayng adlaw.
Giila ang namatay nga si Reynaldo Villansan Jr. alyas “Balong”, 44, residente sa maong barangay.
Nasayran nga gipahigayon ang usa ka buy-bust operation batok sa suspek apan dihang nakamatikod kini nga pulis ang iyang nakatransaksyon, kalit kining mibunlot sa iyang pusil, diritso pabuto.
Paspas sab nga nakabalos ang mga pulis nga miresulta sa pagkaigo sa suspek nga hinungdan sa iyang kamatayon.
Narekober gikan sa suspek ang kalibre 45 nga pusil, (2) ka sachet sa gituohang shabu ug Marked Money nga nagkantidad ug P500.00.
Facebook Comments
