Anti-rabies vaccination, gipahigayon sa Alabel Alabel

9

Sarangani Province—Nagmalampuson ang gipahigayon nga anti-rabies vaccination sa Barangay Bagacay , Lungsod sa Alabel, Sarangani Province nga gipangunahan sa LGU pinaagi sa ilang Livestock Section sa Office of the Municipal Agriculturist (OMAG) dungan sa kasaulugan sa World Rabies Day niadtong adlaw nga Lunes.

Ang World Rabies Day, usa ka global health observance nga gisugdan niadtong tuig 2007. Ang tema alang sa World Rabies Day 2020 mao ang “End Rabies: Collaborate, Vaccinate” Sumala sa OMAG-Alabel, dako ang matabang sa katawhan aron mapugngan ang pagsaka sa ihap sa kaso sa rabies kung ipadayon lang nila ang husto nga pagpabakuna sa ilahang mga iro.

Pinaagi usab sa pakigtambayayong sa mga Doktor, beterinaryo, magtutudlo, community workers, policy makers, ug uban pa sa komyunidad aron mapataasan ang kasayuran sa publiko kabahin na sa pagpugong sa rabies. Angayan usab nga mamahimong responsable ang katawhan hilabina sa ilang mga kahayupan sama sa mga iro.

Facebook Comments