Anti-smoke belching law, hingpit nang ipatuman sa CdeO

Hingpit nang ipatuman dinhi sa Cagayan de Oro ang balaod kontra smoke belching sa umaabot Hunyo 1 ning tuiga.

 

Kini human sa gihimong libreng smoke emission test sa CLENRO o City Local Environment and Natural Resources Office.

 

Matud ni bise mayor Kikang Uy, kinahanglan nang mapatuman sa hingpit ang maong balaod aron maprotektahan ang kinaiyahan ug ang panglawas sa katawhan gikan sa polusyon dala sa aso nga ibuga sa tambotso sa mga sakyanan.


 

Basi sa datus sa Land Transportation Office ug Environmental Management Bureau-Department of Environment and Natural Resources Region 10, mokabat na sa 60 porsyento ang smoke belching violators dinhi sa Cagayan de Oro.

 

Tungod niini, migahin og pondo ang kagamhanan local alang sa pagpahigayon sa libreng smoke emission test sa tanang sakyanan, pribado man o’ pampubliko ng gisugdan niadtong Abril 1 ug matapos sa Mayo 31 ning tuiga.

 

Kini nakasubay sa Ordinance No. 13102-2016 sa konseho ug Clean Air Act 1999 sa nasud.

 

Facebook Comments