Apartment ginsulod sang kawatan sa Barangay 35

BACOLOD CITY – Ginabulunta nga nagdangat masobra sa ₱28,000 pesos nga balor sang kagasmitan kag kwarta ang nakuha sang mga suspek nga nagsulod sa isa ka apartment sang nagligad nga aga sa Brgy. 35 ciudad sang Bacolod.

Ang biktima nga ginkawatan ginkilala kay Jinky Jane Dumaicos, 37 anyos ang edad, tenant sang Door 1, Sambon Apartment, Brgy. 35, Bacolod City.

Suno sa biktima nga pasado las 6 kahapon sang aga, Setyembre 6, nadiskubrehan niya nga bukas na ang main door sang amo nga apartment kag nadula na ang malahalon niya nga kagamitan.


Lakip sa ginkawat sa biktima amo ang duha ka cellphone nga nagabalor tanan P20,000 pesos, relo nga nagabili P4,000 pesos, pantalon ukon dilargo nga nabalor P4,000 pesos, wallet nga may ₱800 pesos cash, bag kag IDs.

Bangud sini, nagpadulong sa Police Station 1 ang biktima kag nagpa record kon diin gilayon naman ini nga gin-usisa sang mga utoridad./dyHB BACOLOD

Facebook Comments