Apat ka balay sa barangay Mandalagan gin-lockdown bangud sa isa ka tawo nga nakitaan sang sintomas sang covid-19

Nag-ayo ang Punong Barangay sang Mandalagan nga likawan anay ang pagkadto sa isa sini ka Purok matapos nakitaan sang sintomas sang COVID-19 ang isa ka 77 anyos nga lalaki sa Purok 13, Barangay Mandalagan syudad sang Bacolod.

Bangud sini, gin-lockdown ang apat ka panimalay sa nasambit nga purok.

Suno kay Punong Barangay Arturo ParreƱo, nagdesisyon sila nga ipatuman ang lockdown samtang ginahulat ang swab test result sa lalaki nga isa ka probable case kag iya asawa.


Nagpasiguro man si kapitan nga tagaan sang ayuda ang mga indibidwal nga apektado sang lockdown.

[image: image.png]

Facebook Comments