Apat ka bangkay nga na missing matapos gin-anod sang baha ang traysikol nga ginasakyan sa Moises Padilla, narecover na

22

Nasapwan na naman subong nga aga ang duha pa ka missing sang naanod sa overflow ang duha ka traysikol sa Brgy. Montilla banwa sang Moises Padilla sang Hulyo 28.


Ginkumpirmar sa DYHB ni Reynald Horegue, head sang Disaster Risk Reduction and Management Office (DRRMO) sang Moises Padilla, nga pasado las-6:00 sang aga sang nakabaton sila sang tawag nga may nasapwan nga mga bangkay sa Hacienda Lilia kag Hacienda San Benito nga sakop sang Brgy. Crossing Magallon.

Una nga nasapwan sa Hacienda Lilia si Juvelyn Banaag, 48-anyos kag sa Hacienda San Benito naman nasapwan si Edmund Samson, 17-anyos.

Madumduman nga mga las-8:00 kahapon sang aga, Hulyo 29, nakit-an nga patay si Danilo Banaag Jr. mga apat ka kilometro halin sa overflow nga ila nahulugan nga nakasampay sa higad sang suba sa Sitio Can-awi, Brgy. Guinpanaan, Moises Padilla.Samtang, mga pasado las-11:00 man kahapon sang nakit-an ang bangkay ni Roldan Banaag Sr. nga nagahapaon sa higad sang suba sa Hacienda Antolanga, Barangay Bungahin banwa sang Isabela.

Nahibaluan nga gikan sa Brgy. Gargato, Hinigaran ang magpamilya kag nagkadto sa ila paryente sa Sitio Inuwaan, Brgy. Magallon Cadre para sa isa ka okasyon sang Hulyo 28.Makadto pa kuntani sila sa isa pa gid nila ka himata sa isa ka purok sa Brgy. Montilla kag sang nagtabok sila sa overflow, gin-anod sang daludo sang tubig ang ila traysikol.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments