Apat ka empleyado sang DPWH 4th engineering district nagpositibo sa covid-19

Apat ka mga empleyado sang Department of Public Works and Highways (DPWH) Fourth Engineering District sa ciudad sang Bago ang nagpositibo sa coronavirus.Ini ang ginkumpirmar sa DYHB ni DPWH Region Director Lea Delfinado sa interview kaina sang aga.

Suno kay Delfinado, ginpahibalo siya kahapon nga apat ang nagpositibo sa virus sa nasambit nga talatapan kag kahapon 85 pa ka mga empleyado ang gin-swab test kag ginahulat ang resulta.

Nahibaluan nga nagpatigayon sang contact tracing sa amo nga opisina matapos nga may isa ka empleyado sang DPWH nga naka-close contact sa isa ka Authorized Person Outside Residence (APOR) nga nagbisita sa Land Transportation Office (LTO) Bacolod sang Hulyo 17 nga nagpositibo man sa COVID-19.


Gindala na sa quarantine facility ang COVID-19 positive lakip na ang ila mga pamilya.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments