Apat ka ginapatihan NPA naaresto sa syudad sang Kabankalan

21

Arestado ang apat ka mga persona matapos nakuhaan sang nanari-sari nga armas kag bala, subversive documents, kwarta kag iban pa nga kagamitan sa joint operation sang mga otoridad sa ciudad sang Kabankalan, las-11:00 sang gab-i, Hulyo 10.

Nagtingob pwersa ang Kabankalan City Police Station, 15th Infantry Battalion, 2nd Negros Occidental Provincial Mobile Force Company, Negros Occidental Police Provincial Office (NOCPPO) Criminal Investigation and Detection Group (CIDG), Regional Intelligence Division kag Regional Mobile Force Battalion-6 sa pagpatigayon sang operasyon sa Purok Mapuso, Brgy. Magballo, Kabankalan City sa diin naaresto ang mga suspek.


Ginkilala ang mga naaresto nga sanday Raffy Patajo alias ‘Paolo’, 21 anyos, sultero, farmer kag residente sang Sitio Montelo, Brgy. Pinggot banwa sang Ilog; Relyn Morino, alias ‘Sam’, 22 anyos, dalaga, sang Sitio Napudyot, Brgy. Orong, Kabankalan City; George Buga-ay, alias ‘Samantha’, 42 anyos, may asawa, sang Brgy. Punta Taytay, Bacolod City nga secretary general sang Pamalakaya Negros kag Emmylo Tañares, alias ‘Drey’ kag ‘Maulyn’, 38 anyos, dalaga, sang 137 South Poblacion, San Fernando, Cebu nga Liason Officer sang National Democratic Front (NDF) Cebu.

Narekober sa mga suspek ang apat ka hand grenades, isa ka unit sang .38 cal. revolver nga may lima ka bala; isa ka unit sang 45 Cal. pistol; kwarta sa nagkalain-lain nga denomination; cellphones; USBs kag subversives documents.

Sa karon ang mga suspek ang yara sa kustudiya sang Kabankalan City Police Station kag magapangatubang sang kaso nga paglapas sa RA 10591 ukon “Comprehensive Firearms and Ammunition Regulation Act” kag RA 9561 ukon illegal possession of explosives.

Ang joint operation sang mga otoridad ang kasunod sang engkwentro nga nagluntad sa Sitio Montelo, Brgy. Pinggot, Ilog sang Hulyo 9, las-5:00 sang hapon sadiin lima ka tropa sang gobyerno ang wounded in action (WIA) kag wala naman sang may natumod nga patay ukon casualties sa rebelde nga grupo.

Nagapatigayon sang combat operation ang military sa Sitio Montelo sang ila na engkwentro ang rebelde nga grupo nga naglawig sang 15 minutos.




[image: image.png]

Facebook Comments