APAT KA INSIDENTE SANG SUNOG, NAGLUNTAD SA SIYUDAD SANG ILOILO SA ADLAW SANG DOMINGO.

1313

Apat ka insidente sang sunog ang nagluntad sa siyudad sang Iloilo kahapon nga adlaw sang Domingo (Marso 24).

Una nga insidente nagluntad sa Sitio Malipayon, Barangay Bolilao mga alas 11 sang aga kon sa diin partially damaged ang abandonado nga balay nga ginapanag-iyahan ni Jaylord Sayo


Ginpahayag nga naghalin ang kalayo sa upos sang sigarilyo nga nagmakot kag nagtuga sang nasambit nga sunog.

Masunod nga insidente nagluntad pasado alas 4 sang hapon sa Mejorada St., Mandurriao kon sa diin totally gutted ang puluy-an sang mag-utod nga Jenysel kag Kelvin Galon.

Kandila nga napabay-an sa sulod sang ila CR ang ginpahayag ginhalinan sang kalayo nga nagresulta sang sunog.

Kasunod sini, nagluntad man ang grassfire sa Sta. Rosa, mandurriao kon sa diin nasunog ang kahilamunan kag mga tanum sa nasambit nga lugar apang wala sang may nagdalahig nga mga pamalay.

Pasado alas 7 sang gab-i, nagluntad man ang sunog sa Zone 6, barangay Sambag, Jaro kon sa diin tatlo ka balay ang totally gutted nga ginapanag-iyahan nanday Mercedes Beltran, Lorna Jabadan kag Niedes Ronquillo.
Ginpahayag nga naghalin ang kalayo sa bunkhouse sang Boyet Trucking nga naglaton sa nasambit nga mga pamalay.

Facebook Comments

From Advertisers