Roxas City – Gintupok sang kalayo ang apat ka mga balay sa Purok II Brgy. Libas, Roxas City mga 9:00 ang takna kagab-i. Totally burned ang balay nga ginapanag-iyahan sang mag-utod nga sanday Rubene Adrias, Redintor Adrias kag Grace Adrias samtang partially burned naman ang balay ni Danilo Adremisin.
Sa inisyal nga imbestigasyon sang Bureau of Fire Protection Roxas, napabay-an nga kandila sa plastic nga bangko ang kabangdanan sang nasambit nga sunog. Naglawig naman sang masobra isa ka oras ang sunog kon sa diin 10:36 na sang gab-i gindeklarar sang BFP-Roxas nga fire-out na ang kalayo.
Nahibaluan nga ikaapat na ini nga sunog sa syudad sang Roxas sa sini nga bulan sang Marso kadungan sang pag-obserbar sang fire prevention month. Padayon pa nga ginahibalo sang BFP ang kabug-san nga kahalitan nga dulot sang nasambit nga sunog.
Facebook Comments
