Apat ka mga doktor, duha ka nurse sang Regional ospital nagpositibo sa covid-19

22

Ginkumpirmar sa DYHB sang medical center chief II sang Corazon Locsin Montelibano Memorial Regional Hospital (CLMMRH) nga apat ka mga doktor nila ang nag-positibo sa COVID-19.Suno kay Dr. Julius Drilon, kagab-i nila nahibaluan ang resulta sang mga doktor kasunod sang anunsiyo nila nga may duha man ka nurse nga positibo sa virus kahapon.


Sa apat sa ila, tatlo ang naga-duty sa Dept. of Surgery samtang ang isa assigned sa Obstetrics and Gynecology Department. Ang duha naman ka nurse ang staff sang OB-Gyne Department kag Neonatal Intensive Care Unit (NICU). Ang anom ka mga positive ang kabahin sang 85 ka staff kag pasyente sang regional hospital nga gin-swab test sang Martes.

Santo sa tracing sang hospital, ang isa ka nurse posible nalatnan sang virus matapos nga ang bana sang caregiver sa ila balay ang nag-positibo COVID-19 samtang ang isa pa, ang na-expose man sa isa ka coronavirus positive.

Dugang pa ni Dr. Drilon, ang tatlo naman ka mga doktor ang posible natapikan man sang virus matapos nag-opera sa isa ka pasyente nga nagka-pneumonia duha ka adlaw matapos gin-admit.

Sa karun, gin-untat anay ang admission sa OB-Gyne Department kag NICU, samtang ang Surgery Department ginlimitahan lang ang operasyon sa mga emergency surgery. Gin-confirm man ni Dr. Drilon nga gin-sirado man anay ang Out-Patient Department matapos nga may isa ka pasyente nga nagapa-dialysis ang nagpositibo sa COVID-19.

Ginakalipay naman ni Dr. Drilon nga asymptomatic ang apat ka mga doktor kag duha ka nurses. Ang duha sa ila ang nag-home quarantine samtang ang apat ang naga-isolate sa quarantine center sang hospital para sa ila mga staff.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments