Apat ka mga persona, ginpangkastigo sa Brgy Balit Mambusao, motorsiklo sang mga ini ginpanghalitan man!

cropped shot of young man playing baseball with bat isolated on black

Mambusao, Capiz – Apat ka mga persona ang ginpangkastigo mga alas 10:50 sang gab-i sa may bahin sang Brgy Balit banwa sang Mambusao samtang ang mga motorsiklo sang mga ini ang ginpanghalitan pa sang mga suspek.
Yara na subong sa karsel sang Mambusao PNP ang mga suspek nga ginkilala kanday Lorito Lauriano y Matiling, 32-anyos kag Gerry Loro y Asis, 44-anyos ang pang-edaron nga lunsay mga residente sang Balit Mambusao.
Suno sa inisyal imbestigasyon sang kapulisan, makaduha ka beses nga ginbangggan sang mga suspek ang mga biktima nga sanday Dennis Laurilla, Arnold Lacson, Jonel Leccio kag duha pa ka mga menor de edad nga kaupdanan sang mga ini.
Gamit sang mga suspek ang baseball bat kun sa diin pati ang motorsiklo sang mga biktima ang ila pa nga ginpanglampusan rason nga nag-angkon sang damage. Samtang ang isa ka motorsiklo ang ginsakyan sang mga suspek.
Napasakaan na sang kaso nga direct assault upon person in authority ang mga suspek matapos nga mangin ang mga nagresponder nga katapo sang pulis ang ginhangkat pa sang away sang suspek nga si Gerry Loro. Ini ang naobserbah nga yara sa impluwensya sang makahulobog nga ilimnun.
Maluwas diri, pasakaan man sang kaso nga carnapping kag serious physical injuries and damage to properties ang nasambitan nga mga persona.
-web photo

Facebook Comments