Apat ka pulis – patay sa ambush sa banwa sang Ayungon, Negros Oriental

2397

PATAY ang APAT (4) ka pulis sa ambush nga natabu sa Sitio Yamot, Barangay Mabato, banwa sang Ayungon, Negros Oriental, pasado alas-2:30 kahapon sang hapon.

Natabu ang insidente sang ang apat ka miembro sang 704 Mobile Force Company sang Regional Mobile Force Batallion- Region 7 ang naga-sakay sa ila motorsiklo (badja black&xrm black) sang gulpi lang sila ginpangluthang sang kapin sa 20 ka armado nga ginapatihan mga katapo sang New People’s Army-NPA.


Dead on the spot ang apat bangud sa madamo nga igo sang bala sa ila lawas samtang ang mga suspek ang gilayon naman nga nagpalagyo sa nabukid nga bahin sang amo nga lugar.

Ang mga biktima ang nakilala nga sanday Police Corporal Relebert Beronio kag Patrolman Roel Cabellon, residente sang banwa sang Mabinay, Patrolman Raffy Callo, sang banwa sang Tayasan kag Patrolman Marquino de Leon sang banwa sang Ayungon, Negros Oriental.

Suno sa provincial director sang Negros Oriental – Police Col. Raul Tacaca nga ginparahan lang mga suspek ang mga pulis kag gilayon ginpa-arakan luthang sa diin ila pa ginpang-dala ang issued fire-arms sang mga biktima.

Nahibalu-an nga WALA sang mga pamalay sa amo nga lugar bangud nga gina-kabig ini nga NFA infested area, rason nga pasado alas-7:30 na sang gab-e sang nakuha ang bangkay sang apat ka pulis.

Sa karon, ang bangkay sang mga biktima ang gindala sa Bindoy District Hospital para sa patigayunon nga autopsy.

Photo not ours. Credit belongs to the rightful owner.

Facebook Comments

From Advertisers