Apat na Articles of Impeachment laban kay Vice President Sara Duterte ang isinapinal ng House Committee on Justice kaakibat ng inaprubahan nitong committee report at resolusyon.
Sinabi ito ni Mamamayang Liberal Party-list Representative Leila de Lima na siya ring endorser ng ikatlong impeachment complaint laban kay VP Sara.
Ayon kay De Lima ang articles of impeachment ay kinabibilangan ng:
1. Maling paggamit at pag-abuso sa confidential funds
2. Hindi maipaliwanag na yaman, kung saan pinadagdag ang kabiguan na i-divest ang business interest
3. Bribery, and graft and corruption partikular sa Department of Education
4. Pagbabanta sa buhay ni Pangulong Ferdinand Marcos Jr., First Lady Liza Marcos at dating House Speaker Martin Romualdez.
Sabi ni De Lima, pina-ikli pero mas malinaw ang napagsunduan ng komite na Articles of Impeachment kung saan ang mga magkaparehong grounds ay consolidated o pinagsama na lamang.
