Apektado Sa Clearing Operation Nakadawat Ug Assistance

Hatagan ug us aka sakong bugas ingon man food pack gikan sa syudad ang 22 ka mga tag-iya sa balay nga naapektuhan sa clearing operation diha sa Valenzuela Road, Agora, Barangay Lapasan.

Kini bisan pa man nga portion lamang sa ilang panimalay ug tindahan ang naigo sa clearing operation kagahapon sa buntag adlaw’ng Huwebes ning tuiga nga gipatuman sa Office of the Building Official kon OBO sa pagpangulo ni Architect Ma. Concepcion Alcantara.

Gikabutyag nga malinayon ug hapsay ang gipahigayon nga clearing operation. Gani, mitabang pa ang mga tag-iya sa pagguba sa mga illegal structures nga nakalapas sa 1.5 meters alang sa sidewalk.


Nasayran nga dugay na gipahibalo ug gipasabot sa OBO ang mga tag-iya sa balay kalabot sa kalapasan nga ilang nahimo.

Lakip sa nitabang sa maong operasyon ang mga personahe gikan sa City Engineer’s Office, Clenro, PNP, CDRRMD, RTA, CSWD, Coast Guard ingon man mga Brgy. Tanod sa maong barangay nga deputized sa RTA.

Aduna kay komento ning maong estorya? Mamahimo nimo ipabuhagay sa comment box sa ubos.

Facebook Comments