Apple, ipinagbabawal na ang vaping apps sa kanilang app store

Ipinagbabawal na ng kumpanyang Apple technology ang kahit anong vaping related apps sa kanilang app store matapos ang isyu sa e-cigarette na maaari daw itong makasama sa baga o maging sanhi ng pagkamatay ng mga taong gumagamit nito.

Ayon sa Centers for Disease Control and Prevention (CDC) – maraming kaso na ng lung injuries ang nakukuha ng mga gumagamit ng e-cigarette at vaping products.

Dahil dito – ikinatuwa ng American Heart Association ang pagsama ng Apple sa kanila para labanan ang paggamit ng e-cigarette sa iba’t ibang mga bansa.


Bukod dito, balak ding makipag-usap ni President Donald Trump sa vaping industry representatives para isulong ang pagba-banned ng e-cigarette products na nakakasama sa kalusugan.

Nabatid kasi na may 39 na ang namatay habang nasa 2,000 naman ang tinamaan ng sakit sa US dahil sa paggamit ng e-cigarette.

Facebook Comments