Aprobado/Sangguniang Panlalawigan sang South Cotabato ginaindorso ang paghimo nga syudad sa banwa sang Polomolok.

Aprobado na sang mga katapo sang Sangguniang Panlalawigan ang resolution nga paborable nga nagaindorso sa Kongreso nga pagconvert sa banwa sang Polomolok nga mangin component city sang South Cotabato.
Suno kay Board Member Sheelamar Baclaan, Chairperson sang Committee on Local Government and Inter-Government Relations gin-endorso nila ang paghimo nga syudad sa Polomolok tungod pasado man sa requirements ang income sang Lgu, land area kag populasyon sini.
Ginpahayag man sini nga isa sa requirement sa Kongreso ang endorsement sang Sangguniang Panlalawigan agud nga maconvert nga mangin syudad ang Polomolok amo nga isa ka resolution ang ila nga ginpasar.
Ang nasambit nga resolution ang direkta naman nga isubmitir sa opisina sang Kongreso.

Facebook Comments