Araw ng Davao saulogon sa Marso 1

Davao City – Gikumpirma ni Davao City Mayor Sara Duterte-Carpio nga karong Marso 1 (2021) saulogon ang Araw ng Davao, inay sa naandan nga petsa nga Marso 16.

Segun sa Alkalde, sa interbyu sa city-owned radio, gideklara isip Special Non-working Holiday ang Marso 1, 2021 samtang via online ang pagpahigayon sa maong selebrasyon diin aduna nay giandam nga mga aktibidad ang City Tourism Office (CTO).

“Ang atong Araw ng Davao celebration karong tuiga will all be online. So, atong City Tourim Office (CTO) nag andam na sila para sa online activities. You can enjoy it in the comforts of your home because we know nga dunay quarantine, that there is ‘stay home’ order,” segun sa Mayor.


Matud ni Duterte-Carpio, bugtong face-to-face activities mao ang flag ceremony ug Misa Pasasalamat nga tambongan sa limitadong ihap sa local government officials.

Giawhag ang publiko nga i-like ug i-follow ang ‘Davao City Tourism’ official Facebook page aron ma-update sa nakalinyadang aktibidad.

RadyoMaN Kirby Manzon

Facebook Comments