Arestado/P175k sang shabu nakumpiskar sa drug operation sang PDEA 12 kag PNP sa Brgy. Ambalgan, 3 arestado.

Nahulog sa kamot sang operatiba sang Philippine Drug Enforcement Agency XII kag kapolisan sa impementasyon sang search operations sa Brgy. Ambalgan, Sto. Niño, South Cotabato sang tinalikdan nga adlaw ang tatlo ka mga drug personalities. Una sa target sang ginpatigayon nga drug operation sa Purok 10×10, Brgy. Ambalgan, sa nasambit nga banwa sanday Ibrahim Ambalgan, Alias Mastura Ambalgan, high value target, 40 -anyos, mangunguma kag Alvin Balao, Watchlisted, 43 -anyos, negosyante kag pareho residente sang nasambit nga lugar. Nakuha sa puluy-an ni Mastura ang more or less 25 grams sang shabu nga may market value P125,000.00 nga nasulod sa brown paper nga ginbutangan sang transparent tape. Samtang, nakumpiskar naman sa puluy-an ni Alvin Balao ang more or less 10 grams sang shabu nga may market value nga P50,000.00 , 1 ka unit sang kalibre 45 nga armas luthang, 10 ka live ammunitions, 1 ka ten rounder magazine kag isa ka panid sang black colored holster. Sa drug operation naman sa Purok Bago,Brgy. Ambalgan batok kay Baibon Amolan Pindawata, high value target, 44 -anyos, negosyante kag residente sang nasambit nga lugar sa diin nakuha naman ang more or less 1 gram ang ginaaligar “shabu” nga may market value nga P5,000.00. Suno pa sanday Mastura kag Baibon Pindawata ang targetlisted personalities nga konektado sa Ambalgan Drug Group nga nagapalapta sang illegal drugs sa mga lugar sang South Cotabato kag Sultan Kudarat. Nagapangatubang naman sang kaso nga pagbayolar sa Section 11 sang RA 9165 ang mga suspek kag dugang naman nga kaso nga pagbayolar sa RA 10591 ang ginpasaka batok kay Alias Alvin Balao. <www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments