Armas baylo bugas sa Barangay Mambulac syudad sang Silay

28

Isa ka granada kag duha ka sulpak ang gin-surrender sang pila ka pumuluyo sa Brgy. Mambulac, Silay City sini nga hapon bilang kabahin sang programa nga Armas Baylo Bugas.

Suno kay Brgy. Mambulac Punong Barangay Hazel Cordero sa interview sang DYHB nga ini na ang resulta sang padayon nga kampanya sang barangay sa ila pumuluyo nga i-surrender ang mga armas nga madugay na nila gina-huptan bangud nagadala ini sang katalagman.


Ginpahayag ni Cordero nga ang Armas Baylo Bugas ang programa sang gobierno kon diin aktibo nga nagabuylog diri ang iya barangay partikular kag sa karon nga panahon sang pandemic, isa ini sa ila ginahimo nga intervention.

Pahayag sang Punong Barangay nga ang pagbaylo sang bugas sa tagsa ka armas nga iga-sungka ang isa man ka pamaagi nga makabulig ang barangay bisan sa bugas lang sa atubang sang pandemya.

Nahibaluan nga ini na ang ikaduha nga batch sang pagsungka sang armas sang pumuluyo sa diin damlag pa natigayon man nga ma-surrender ang 4 ka armas baylo sa bugas.

Ini nga mga armas ang gilayon man nga iga turn-over sa pamunuan sang Negros Occidental Police Provincial Office (NOCPPO).




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments