Army corporal sang 62nd IB ginatudlo gunman sa pagpatay kay kagawad Negro sang Barangay Lopez Jaena syudad sang Sagay

17

Gin-confirm ni Army Lt. Col. Melvin Flores, commander sang 62nd Infantry Battalion sa interview sang DYHB nga isa ka myembro sang 62nd Infantry Battalion, Philippine Army nga na base sa Quintin Remo banwa sang Moises Padilla ang isa sa apat ka mga suspek sa pagpatay kay Kagawad Mario “Negro” Agabon sang Barangay Lopez Jaena syudad sang Sagay, sadtong Nobyembre 12.

Suno kay Flores, ginkilala ang suspek nga Army kay Corporal Rico Fuertes, Assistant Patrol Base Commander sang 62nd IB.


Dugang ni Flores nga nag-emergency leave si Corporal Fuertes sang Nobyembre 10 tubtob 13 sa rasun nga magapauli ini sa Ilo-ilo para magbulig sa asawa nga may balatian.

Si Fuertes ang ginatudlo sang witness nga amo ang gunman sa pagpatay kay kagawad Negro sadtong Nobyembre 12 sa nasambit nga barangay.

Pahayag ni Flores, ginalantaw nga personal nga kaakig ang motibo sang mga suspek sa nasambit nga krimen kag wala ginatolerate sang Philippine Army ang kaangay sini nga buluhaton kag dapat atubangon ni Fuertes ang akusasyon batuk sa iya.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments