ARMY VS ARMY | Suldado, ginluthang-patay ang kaangay nga suldado sa sulod sang kampo

ILOILO City – Patay si Private First Class Delio Sebarillo, 38-anyos sang Manapla Negros Occidental kag tumandok sang Brgy. Pali Mandurriao matapos ginluthang ni Private First Class Sergie Labao sa sulod sang kampo sang 61st Infantry Battalion, 3ID, Philippine Army sa Lagdungan, Tapaz, Capiz, Huwebes sang aga, Hulyo 19.

Sa interview sang RMN Iloilo kay SPO2 Rocer Grande sang Tapaz Municipal Police Station, ara na sa ila paghinakop ang suspek nga si Labao kag detain na karun sa karsel.

Wala naman ini nagahambal kag nagaduko lang rason nga indi pa makuhaan sang impormasyon kon ano ang rason sa iya pagluthang sa kaangay nga suldado.


Base sa inisyal nga impormasyon, 15 ka gunshot wounds ang naagum ni Delio sa diin may pilas ini sa tiyan, wala nga paa, likod, wala nga butkon kag paa.

Suno naman kay SSupt Samuel Nacion, Capiz PPO Director, padayon pa ang imbetsigasyon sang Tapaz Municipal Police Station angot sa insidente kag iya ginpasiguro nga apesar suldado ang involve, indi sila magpangduha-duha nga pasakaan ini sang kaso.

Facebook Comments