Arturo Balume Sr., nagapakig-angot sa isa ka high profile personality sa 5th district sang Iloilo suno sa IPPO

May dako nga personalidad sa 5th district sang Iloilo nga ginapakig-angutan ni Arturo Balume Sr. alias Master Pedic.

Ini ang ginkonfirmar ni Police Senior Superintendent Marlon Tayaba, Director sang Iloilo Police Provincial Office (IPPO) matapos nakita ang pagbayluhanay sang mensahe sa cellphone ni Balume nga nakompiskar sang kapulisan matapos nadakpan sa Hinobaan, Negros Occidental sang Huwebes sang hapon upod ang iya anak nga si Arturo Balume Jr. alias Turing.

.


“Meron tayong nakitang message dito na tumutukoy sa isang high profile personality sa may area ng quinto distrito.”

Dugang pa ni Tayaba nga padayon man ang pagpakig-angot ni Arturo Balume Sr. sa iya mga tinawo sa quinto distrito apisar yara na ini sa Negros Occidental.

Suno kay Tayaba nga pinaagi sa pagkadiskubre sa mga koneksyon ni Balume, mas mapadasig ang pagpatigayon sang police operation batok sa mga ini.

Ginakabig High Value Target level 3 ang mag-amay nga Balume kag lider sang Balume Drug Group lakip na ang mga goons sa quinto distrito.

Facebook Comments