Asawa gibuno ug bato sa bana, namatay

194

Tampilisan, Zamboanga del Norte – Wa na kaagwanta sulod sa tambalanan ang usa ka asawa ug hingpit nga nakabsan sa iyang kinabuhi human makaangkon ug samad sa iyang ulo dihang gibuno ug bato sa iyang bana, sulod sa panimalay didto sa Barangay Poblacion, lungsod sa Tampilisan, sakop ning lalawigan sa Zamboanga Del Norte.


Naila ang biktima namatay nga si Marissa Barquita Perez, 38 anyos minyo ug molopyo sa maong dapit.

Samtang ang gitumbok nga suspek sa krimen mao si Jesus Alia Perez, 50 anyos, usa ka maguuma ug bana kini sa biktima.

Si PINSP Antonio Tapales ang hepe sa Tampilisan Minicipal Police Station, nibutyag sa interview sa rmn nga alas 11:30 sa niaging gabii, dali nilang girespondihan ang panimalay sa magtiayon human nadawat ang report nga dunay nahitabong pagpangabuso sa usa ka babaye.

Pagabot nila sa dapit ilang naabtan ang maong bikitma nga naligo sa kaugalingon dugo nga gilayon nilang gidala sa Rural Health Unit aron katambalan apan gumikan sa dakong samad gibalhin kini pagdala sa Liloy Integrated Hospital.

Sa imbistigasyon nasayran nga atol sa hitabo ang bana gikaigong hubog nga nauli sa ilaha kon diin ang asawa tulog na nidatong higayona sulod sa ilang gamay balay uban ang anak nga lalaki.

Nasuko ang bana serado ang sira diin pugsanong nisulod ug gibuno sa bato ang asawa nga maayong pagka-igo sa ulo.




Dali nisibat ang bana palayo sa dapit human nakita nga nagkadugo ang asawa.

Sa ulahing kasayuran ang biktima gideklarar ni Dr. Rukmini A. Alip nga namatay mga alas 2:00 adtong merkules sa hapon, kinsa gikuha na kini sa iyang pamilya ug gidala sa lungsod sa tambulig zamboaga del sur aron didto hayaon.

Samtang gawasnon pa gihapon ang bana suspek human wala masapni sa sunod sunod nga manhunt operasyon.

Sumala pa sa hepe nga karon adlawa ilaha nang ipasaka ang kasong parricide batok sa bana.

Facebook Comments