Nangayo og tabang pinaagi sa RMN-DXCC ang usa ka Teresa Panoncial, human nga na missing ang iyang bana samtang nanagat sa Purok 5 Kimaya, Consuelo Magsaysay Misamis Oriental.
Matud ni Mrs. Panoncial, nga na missing ang iyang bana niadtong Biyernes sa gabei Mayo 29 ning tuiga.
Nasayran nga nanagat ang iyang bana uban sa iyang 16 anyos nga anak dihang mibundak ang ulan ug milite.
Giingong nawad-an sa panimuot ang anak, apan wala na niini nakita ang iyang amahan human kini makamata.
Kini ang hinungdan nga mibugsay padulong sa mga mananagat ang bata, aron mangayo og tabang.
Samtang…..
Igo nalang gikuha ang bata sa lawud human nga wala na miandar ang ilang gisakyan nga baruto.
Matud ni Mrs. Teresa Panoncial, nga giguyod nalang kini sa iyang igsoon nga adunay pumpboat kinsa usa usab ka mananagat.
Dugang pa ni Panoncial , nga sa pahayag sa iyang anak kusog kaayo ang lite, nga maoy hinungdan nga nahulog sa dagat ang iyang bana ug na missing.
