General Santos City–Daghan ang posibleng hinungdan sa pagpusil-patay sa gwardiyang si Eldemar Baylosis, 32 anyos, hamtong ang pangidaron nga nagpuyo sa Prk. 28, Barangay Fatima Gensan.
Sumala sa asawang si Rosalie Baylosis nga sa karon aduna nay siya’y ginadudahan nga posibleng naghimo sa krimen apan dili una niya gustong pangunahan ang imbestigasyon sa kapulisan.
Pamahayag matud pa sa mga kaubanan sa iyahang bana nga adunay ni-abot nga motor ug nakig-istorya sa iyahang bana, apan pipila lang ka minuto, nakadungog nalang sila ug buto sa pusil.
Dugang pamahayag ni Rosalie nga walay nakakita sa hulagway sa suspek nga mipusil sa iyahang bana gumikan ngit-ngit ang lugar.
Wala matud pa siya’y nasayran nga kalambigitan sa ilegal nga aktibidad ang iyahang bana gawas sa buy and sell niining sideline nga panginabuhian.
Gibana-banaang anaa sa duha ka igo pinusiulan ang naangkon sa iyahang bana kung asa dayon pa kining gidala sa balay tambalanan apan gideklarang dead on arrival.(LVR)
