Asawa sa police nga nakapatay ginasuta kung may kalabutan sa krimen

General Santos City–Padayong gi-imbistigahan karon sa Police Station 3 kung aduna bay partisipasyon ang usa ka Janicel Alab, 19 anyos, sa planong pagpatay sa iyang bana nga si PO2 Amil Abdusali ngadto sa iyang ama-ama nga si Edros Ebrahim, legal age nga nanimuyo sa Barangay Tambler .

Sumala pa ni Police Major Peter Pinalgan Jr. ang hepe sa Police Station 3 nga sa karon dili pa nila maklaro ang statement ni Janicel tungod kay pa bag-o bag-o matud pa ang statement niini tungod sa trauma nga nasinatian niini.

Una na matud pang gikabutyag ni Janicel sa kapulisan nga siya nakasinati matud pa ug pagmolestya sakamot sa iyang ama-ama niadtong siya minor de edad pa hangtod nga siya nahimo nang hamtong. Saysay pa ni Janicel sa kapulisan nga iyang gitug-an sa iyang bana ang iyang kasinatian sa kamot sa iyang ama-ama ayha pa sila nagpakasal.


Samtang gipaklaro ni pinalgan nga kung mugawas sa ilang imbistigasyon nga apil gyud ang nasangpit sa pag plano nga patyon ang iyang ama-ama mamahimo kining pasakaan ug kasong murder.

Kung kahinumduman nga napatay sa bana niini nga si PO2 Abdulsali ang iyang ama-ama pinaagi sa pagdungab ug kutsilyo sa iyang lawas sulod mismo sa kwarto sa carozza lodge nga nahimutang sa barangay Lagao.

Samtang patay usab ang suspect nga si PO2 Abdulsali human misujkol sa miresponding sakop sa Police Station 3. (Dave Silagan)

Facebook Comments