Madugay na nila nga ginabantayan suno kay OIC Warden Felicito Gumapac ang asawa sang isa ka preso sang Provincial Jail matapos nga una na nga nadakpan nga magpalusot kuntani sang P17k nga ginbutang sa iya nga panty.
Ini matapos nga wala nakalusot sa ikaduha nga tion ang asawa sang isa ka preso sang South Cotabato Provincial Jail matapos nga nadakpan sang jailguard nga may dala nga shabu nga ginbutang sa tunga sang suksok sini nga sandal sang Dominggo nga adlaw.
Ginkilala ang nasambit nga suspek kay Joy Marcera, 42-anyos kag residente sang Brgy. Avanceña, Koronadal City.
Suno kay OIC Warden Gumapac magabisita kuntani si Marcera sa iya nga bana nga yara sa Provincial Jail kag sang ginapaidalom ini sa inspection nadiskrubrihan ang tatlo ka pakete sang ginaaligar nga shabu nga ginabulubanta nagakantidad sang P100k.
Nagapati man siya nga ibaligya sa mga inmates sang Provincial Jail ang nakumpiskar nga droga tungod sa kadamuon kag indi nga ikonsumo lang sang bana sini.
Voice Gumapac – arrest
Gilayon naman suno pa nga ginturn-over sa PDEA 12 ang nakuha nga mga droga kag sa subong ang suspek ang nakadetine sa PDEA 12 detention facility.
Kaso naman nga pagbayolar sa Section 11 kag 5 ang atubang nga kaso sang nasambit nga suspek.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
