Asawa tagbuno-patay nan kaugaligong bana sa Brgy. Balibayon, Surigao City

READ! Asawa tagbuno hangtud namatay nan kaugalingong bana didto sa Brgy. Balibayon, Surigao City. Tagkilaya an biktima na si Monalisa Espancho Arot, 43 anyos, minyo, residente sa Brgy. Orok inin siyudad. An suspek, an bana mismo na si Eugenio Loca Arot, 43 anyos, mag-uuma. Gamit sa pagpamuno an mahait na sundangay na miigo sa lain-laing bahin sa lawas sa biktima. Sa inisyal na imbestigasyon nan PNP, an biktima ug suspek na hubog, an una na naglalis didto sa panimayay ni Awing Declaro na kon diin nagtrabaho si Monalisa Arot isip manhugasay plato sa pagsaulog nan kapistahan. Human paglalis, tagbuno nan suspek an biktima, tagdali pa pagdaya sa Caraga Regional Hospital pero tagdeklarar na Dead on Arrival. Human sa panghitabo si Eugenio Arot an miikyas ngadto sa waya pa mahihaw-i na direksiyon. Selos an isa sa anggulo na tag-imbestigahan nan mga otoridad kalabot sa krimen. > > > > > >

Facebook Comments