ASEAN Summit 2017 magpahugno sa ekonomiya

Davao City – Magpahagsa sa ekonomiya sa Pilipinas ang pagtambong sa mga lideres sa mga gamhanang nasud sa tulo ka adlaw nga ASEAN Summit 2017 nga opisyal gilusad kagahapong adlawa.

Sumala ni Gabriela Partylist representative Emmie De Jesus nga ang presensiya sa mga pangulo gikan sa mga gamhanang nasud sa ASEAN Summit magpaduso sa neo-liberal policy dinhi sa atong nasud.

Nabalaka si De Jesus nga basin mahugno ang ekonomiya sa nasud tungod sa neo-liberal policy kay dalan kini aron walay buhis mabayran ang gamhanang mga nasud sa mga produkto nga ilang ipasulod sa Pilipinas gawas nga mapribado ang serbisyo ug ma-exploite ang mga trabahante.


Walay supak si De Jesus nga makigrelasyon ang Pilipinas sa ubang kanasuran sama sa Amerika, apan ang problema lang daw sa pakigsuod sa higanteng mga nasud mao nga kanunay dehado ang Pilipinas sa interest sa mga langyaw’ng kanasuran.

Wala ma-uyoni sa magbabalaod ang palisiya panglayaw ni Pangulong Rodrigo Duterte kay nagatugot kini sa mga nasud sama sa Russia, China ug Amerika nga mag-abuso sa Pilipinas.

Gibarugan niini nga kung makiglambigit man ang gobyerno sa ubang kanasuran sigurohon lang pod daw nga walay mayatakan inay pareho makabenepisyo gikan sa ibubo nga negosyo sa ingon mulambo ang ekonomiya sa nasud.

Samtang, gi-almahan sab ni Gabriela Congresswoman Emmie De Jesus ang pagbabag sa gatusan ka mga pulis ug pagbomba og tubig ngadto sa mga militante mao nga wala sila nagmalampuson sa pag-abot sa venue kung asa gilusad ang ASEAN Summit 2017.

RadyoMaN Joel Viray

Facebook Comments