ASF: Dul-an 9K hog raisers sa Davao region apektado

36

Davao City – Miabot na sa 8,747 ka hog raisers sa Davao Region ang apektado sa African Swine Fever (ASF) as of January 20, 2021 gikan sa pagsi-aw sa ASF niadtong milabay nga tuig, matud sa Department of Agriculture (DA)-XI.

Sa interbyu sa DXDC RMN Davao kang Dr. Armie Capuyan, DA-XI ASF Focal Person, gibutyag niini nga ang pinakaulahing mga lugar nga apektado sa ASF natala sa Davao Oriental partikular na sa Baganga ug Boston diin nagpadayon ang ginahimong depopulation.


Anaa usab sa 81 ka hog raisers ang apektado gikan sa Banaybanay, Mati City, ug Tarragona sa nahisgutang probinsya.

Samtang, aduna usay natalang ASF active cases sa probinsya sa Davao de Oro ug Davao del Norte nga kasamtangang gina-monitor sa buhatan.

Matud ni Capuyan, gikan niadtong katapusang semana sa Enero 2020 hangtud sa pasulat ning balita, anaa na sa 41,430 ang na-depopulate nga baboy sa rehiyon subay sa protocol nga ginasunod alang sa kaso sa ASF.

“Naa man gud ‘tay protocol, kadtong 1-7-10 protocol, but then ang 1 kilometer is gi-reduce siya into 500 meters. So, immediately from the infected premises so magkaroon ng 500 meter radius then that is for depopulation,” segun ni Capuyan.




Gipaniguro usab sa buhatan nga mahatagan og financial assistance ang apektadong hog raisers diin P5, 000 ang ginabayad sa matag gi-depopulate nga anay.

Kahinumduman nga sa milabay nga tuig, nagbaton usab og ASF outbreak sa Davao Occidental, Davao del Sur ug sa syudad sa Davao.

RadyoMaN Kirby Manzon

Facebook Comments