ASOSASYON SANG MGA PRINCIPAL SA SIYUDAD SANG ILOILO, NAGPASAR SNAG RESOLUSYON NGA NAGAPANGAYO SANG HUSTISYA SA KAMATAYON SANG MAG-ASAWA NGA MANUNUDLO.

187

Nagpasar sang resolusyon ang Philippine Elementary Schools Principals Association ukon PESPA Iloilo City sa pagpanguna sang ila Presidente nga si Mr. Eric Valenzuela angut sa kamatayon sang mag-asawa nga manunudlo nga sanday Sir Joemarie Osano kag Mrs. Alnie Osano.

Ang resolusyon nagatuyo nga magpangayo sang pagpangamuyo kag hustisya sa kamatayon sang mag-asawa nga Osano matapos mabungguan sang sports car sang nakaligad nga Sabado sa Diversion Road.


Nasaad man sa resolusyon ang mabaskog nga pagkondenar sang Asosasyon sang mga Principal sa reckless driving sang driver nga si June Paul Valencia nga isa ka paglapas sa kasuguan nga nagresulta sa kamatayon sang mag-asawa nga manunudlo.

Ginahingyo man sang PESPA sa natungdan nga mga ahensya sang gobyerno kaangay sang Dep-ed, DPWH, DFA kag sa Judiciary nga maghugpong agud mapatuman sang nagakaigo ang kasuguan batuk sa suspek agud mahatagan sang hustisya ang kamatayon sang mga biktima.

Naga-apelar man ang PESPA sa Lokal nga pamunuan sang Siyudad nga ipatuman sang hugot ang mga traffic laws agud masiguro ang kaluwasan sang mga pumuluyo sa mga dalanon.

Facebook Comments

From Advertisers