Assistant City Engineer sang syudad sang Kabankalan patay bangud sa COVID-19

20

Ginbawian sang kabuhi ang 48 anyos nga lalaki nga Assistant City Engineer sang syudad sang Kabankalan bangud sa Covid-19.

Sa record sang Kabankalan City Health Office, Nobyembre 4 –ini ang nagpadulong sa syudad sang Bacolod kag nagpauli sa Kabankalan pagkahapon. Nobyembre 6 – ini ang nagreport sa iya trabaho kag sang Nobyembre 7 sang ini ang ginhilanat, nagtiner sa iya nga puluy-an kag wala na nagduty tubtob Nobyembre 12.


Nobyembre 13, ini ang nagpa-admit sa isa ka pribado nga ospital sa syudad sang Bacolod kag ginkuhaan sang swab samples (RT PCR Test).

Nobyembre 15 sang kaagahon ginsaylo sa Corazon Locsin Regional ospital kag las 3 sang kaagahon sang amo man nga petsa ginbawian sang kabuhi ang engineer. Las dose sang udto sang gin cremate ang bangkay base sa health protocol sang DOH, kag sa result sang swab test nga naggwa sa amo man nga adlaw ini ang nagpositibo sa COVID-19.

Sa karon naka lockdown na ang City Engineers Office sang syudad subong man ang puluy-an sang engineer sa Barangay Talubangi kag natalana naman nga pagakuhaan sang swab samples ang mga naka close contact sini.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments