KALIBO, AKLAN — Dakop sa ginpatigayon nga buy-bust operation kabii rong sangka assistant instructor it Kite Boarding sa Brgy. Yapak, Boracay, Malay, Aklan.
Nakilaea rong suspek nga si Rodulfo Magay Jr., y Juakay, 28-anyos ag native it Sta. Fe, Romblon ag presente nga naga istar sa Sitio Bolabog, Brgy. Balabag, Boracay.
Naaresto si Magay matapos nga mabakean it sangka plastic sachet it ginapatihan shabu ko sangka police officer nga nag akto bilang poseur buyer kabaylo it 1,100 nga buy-bust money.
Narecover pa gid sa possession ag control ni Magay rong buy-bust money ag 3 ka mga plastic sachet it ginapatihan shabu.
Ro nasambit nga operation hay ginpatigayon it Malay MPS-MAIDSOTG sa pagpanguna ni PCI Mark Evan Salvo, BTAC Police sa pagpanguna ni PSI Mark Anthony Gesulga, Aklan PSC, 12th IB, TIU, MIG6 ag PDEA 6.
Si Magay hay detained sa lock up cell it BTAC ag maga pangatubang it kasong pagbayolar sa RA 9165.
