Davao City – Gikaalarma sa Davao Ancillary Services Unit (ASU) ang kapin 3,000 ka mga sako sa basura nga nakolekta sa gikan sa kabaybayon sa syudad.
Gibutyag ni ASU head Paul Bermejo nga nakakolekta ang Bantay Dagat team og kinatibuk-ang 3,147 ka mga sako sa basura sa bulan sa Agosto diin kini ang pinakadaghan nga nakolekta kun itandi sa 1,066 ka mga sako lang niadtong bulan sa Hulyo.
“Although the increase in garbage collection from the coastlines can be attributed to the (onset of hagabat, it is still an indication that people (continue to) throw their garbage anywhere and (these) ended up in the coastal areas,” segun ni Bermejo.
Gumikan niini, nanawagan si Bermejo ngadto sa mga Dabawenyo ilabi na sa mga lumulupyo duol sa baybay nga manglimpyo ug dili magpataka og labay sa ilang mga basura.
Subay niini, giimbitahan sa labaw sa ASU ang publiko ilabi na ang dunay kasing-kasing sa pag-amping sa kinaiyahan nga muapil sa grupo sa Bantay Dagat ingon man usab mamahimong volunteer sa International Clean Up Day nga mahinayon sa Setyembre 21.
RadyoMaN Jason Amisola
