Augmentation bus operation i-sustiner

72

Davao City – Magpadayon ang pagpanerbisyo sa Peak Hours Augmentation Bus Service (PHABS) kun emergency bus hangtod sa adunay mga pasahero nga dili ma-akomodar sa mga Public Utility Jeepneys (PUJs).

Kini mao ang pamahayag ni Davao City Transport Traffic Management Office (CTTMO) chief Dionisio Abude atol sa interbyu kaniya sa programang ‘Straight to the Point’.

Gipasabot ni Abude nga upat lang ka mga bus ang nadeploy sa Toril ug tulo sa Catalunan Grande gumikan mao lang kini ang na-comply sa usa ka private bus company sama sa ‘low floor level’ atol sa ilang pagpang-apply sa LTFRB-XI diin base sa rekomendasyon sa CTTMO adunay unom ka mga bus sa Toril ug unom usab sa Catalunan Grande.

“Sa karon atong gina-obserbahan kung naa pay mga pasahero diri hangtod 9 o’clock kay mag dugang ta og duha pa ka bus,” segun niini.

Saysay ni Abude nga puno-puno ang bus sa unang adlaw sa implementasyon ug gibutyag nga adunay ebalwasyon nga pagahimoon inig human sa unang adlaw.

RadyoMaN Jason Amisola

Facebook Comments