Davao City – Mamahimong palugwayon pa sa lokal nga panggamhanan ang pag-operate sa mga Peak Hours Augmentation Bus Service (PHABS) dinhi sa syudad sa Davao.
Sumala ni Davao City Assistant City Administration for Operations Atty. Tristan Dwight Domingo nga kung makita pa nila nga kinahanglan pa ang serbisyo sa augmented buses ilang hangyoon ang Land Transportation Franchising Regulatory Board 11 (LTFRB-XI) nga palugwayon pa ang special permits nga ilang gi-isyu.
“Right now we are projecting nga nagtapok ang mga tawo sa kadalanan kay naa pay klase, atong paniiran nga kung wala nay klase ug dili na kaayo ang daghan ang tapok sa mga tawo sa dalan we’ll stop it but if it will remain we will request the LTFRB to extend the special permits that we issue,” pagpasabot niini.
Nasayran nga kutob bulan sa Marso na lamang ang augmented buses diin sa pagkakaron adunay tulo nga gideploy sa rotang Catalunan Grande-Roxas ug upat sa Toril-Roxas.
RadyoMaN Jason Amisola
