Autopsy han 15 anyos nga bata nga gin rape daw antis nga patayon ha Leyte, ginawas na

Lima nga person of interest an ginmamanmanan yana han Dagami Leyte Police Station han kamatay han 15 anyos nga babayi nga gin tutuuhan gin rape anay san-o nga patayon.

Nahinabo an insidente dida han nakalabay nga lunes ngan kanina gumawas an autopsy han biktima. An resulta, humubag an private part ni Merlinda Osonia ngan namumula an liog hini, ginpitlo an hinungdan han pagkamatay han biktima.

Base ha inisyal nga imbistigasyon han mga otoridad, ginsugo han iya nanay pagpalit hin pancit ha tindahan ini ,Merlinda pero napapausa daw an nanay hini nga waray naman ini bumalik.


Namamayabas daw ini Raymund Budanyo, 45 anyos pareho nga taga Brgy. Balilit han Dagami han makit-an niya nga nakakulob an patay nga lawas ni Merlinda. Hiya daw iton nagsumat kan Brgy. Kapitan han makit-an niya ini.

Sumala kan PSInsp. Henry Avila Chief of olice han Dagami, kun makikipag kooperar daw an molupyo han ira bungto ilabi na han mga nakakakilala han biktima mas magiging madali an pagresolba hini nga krimen.

“Sana lahat ng molupyo ng Dagami makipag kooperar sa amin lalo na doon sa mga huling nakakita sa biktima.”

An gintutuuhan yana han Dagami Police, ginplanuhan han nagpapaluyo nga suspek ini nga panhitabo.

Facebook Comments