AWTO KAG PRIBADO NGA JEEP NAGBUNGGU-ANAY SA BARANGAY DACUTAN DUMANGAS, MGA DRIVER KAG PASAHERO SANG JEEP LUNSAY PILASON

43

Nagbunggu-anay ay ang Hyundai nga awto kag pribado nga Jeep sa Baranggay Dacutan, Dumangas ,Iloilo, las 2:15 kaina sang hapon.
Suno kay Police Corporal Terence Soria sang Dumangas PNP nga halin sa syudad ang Hyundai samtang sa Dumanggas naman ang Jeep.
Dugang pa sini nga nag zigzag ang dalagan sang Hyundai bangod sa kabug-aton sang mga karga sa likod kag sang nakita sang driver sang Jeep nga pakadto ini sa iya direksyun, nag likaw ini apang gulpi nga nagbalik sa iya lane ang Hyundai kabangdanan nga nagbunggu-anay sila.
Nakaagom sang mga pilas kag gasgas ang mga driver sang duha ka salakyan kag padayun nga ginabulong Hospital.
Gin kilala ang driver sang awto nga si Wilmar Divinagracia 42 anyos kag residente sang Ilaya 2nd Dumangas , Iloilo, samtang ang driver sang Jeep amu si Sanbert Dilag 35 anyos sang Dacutan, Dumangas.

Ginkilala naman ang mga pasahero sang jeep nga amo sanday Mary Joy Villegas ,25; Viatriz Lino, 59; Rose Marie Hena, 33;Rosalinda Deocampo, 52; kag tatlo ka minor de edad lunsay pomoluyo sang Bantud Fabrica, Dumangas nga nakaagum sang gasgas kag palanakit sang lawas.


Facebook Comments

From Advertisers