Ayuda/552 ka mga distressed kag displaced Overseas Filipino Workers sa Rehiyon dose nahatagan sang ayuda sang OWWA 12.

Nagalab-ot na sa 552 ka mga distressed at displaced Overseas Filipino Workers sa Rehiyon dose ang nakabaton sang P20,000 nga livelihood assistance halin sa Overseas Workers Welfare Administration (OWWA 12) sa ilalim sang Balik Pinas, Balik Hanapbuhay Program (BPBH) sini halin Enero tubtob kahapon nga adlaw.
Suno kay OWWA OIC Regional Director 12 Marlyn Jamero ang nasambit nga programa ang makabulig sa mga OFWs nga maka-umpisa sang negosyo gamit ang kapital nga ginhatag sang gobyerno.
Katuyuan naman sang nasambit nga programa nga may-yara sang pangabuhian ang ang mga OFWs nga wala natapos ang ila nga kontrata sa pungsod nga ginpadulungan.
Bag-o pa man nabaton sang mga OFW`s ang nasambit nga kantidad ginpaidalom ang mga ini sang OWWA sa training agud nga mas pa nga mapaumwad ang ila negosyo.
Magluwas sang nasambit nga ayuda makaavail sa gihapon sang scholarship program ang bata sang active member sang OWWA.
May-angot sini, ginahangkat ni Maam Jamero ang iban pa nga mga distressed OFW`s nga wala pa nakabaton sang livelihood assistance nga magpadulong lang sa ila nga talatapan dire sa syudad sang Koronadal.

Facebook Comments