Ayuda sa Brgy. 23-C gisiguro sa LGU-Davao

20

Davao City – Gipaniguro sa lokal nga gobyerno sa syudad sa Davao nga mahatagan sa ilang pangihanglan partikular na ang pagkaon, ang mga residente sa Barangay 23-C, Davao City human kini gipailawom sa hard lockdown.

Matud ni Davao City Mayor Sara Duterte-Carpio nga ang City Social Welfare and Development Office (CSWDO) ang maoy motutok sa ayuda alang sa mga tao sa maong barangay.


“Atong CSWDO will ensure nga tanan families diha sa sulod (Brgy. 23-C) mahatdan og pagkaon. Ang CSWDO nato is limited to rice and grocery items, particularly mga canned goods,” esplikar sa alkalde.

Dugang sa mayor nga mipasalig usab ang Davao City Agriculturist Office (DCAO) og gulay nga mahatag sa mga residente’ng na-lockdown.

Nasayran nga gi-hard lockdown ang Brgy. 23-C tungod sa daghang rason diin pipila niini mao ang taas nga kaso ug paspas nga transmission sa Coronavirus Disease 2019 (COVID-19), batasan sa mga tao ug uban pa.

RadyoMaN Kirby Manzon

Facebook Comments