Davao City – Malampusong nadakpan sa PDEA Region XI ang anaa sa priority target list sa Panabo City atol sa buy-bust operation sa Purok Tambis, Barangay Sto. Niňo, Panabo City, Davao del Norte.
Ang suspek mao si Ophalyn Benemili alyas Lyn-Lyn, 29 anyos, taga-Golden Heights, Subdivision, Barangay Quezon sa maong probinsya.
Sumala ni PDEA XI spokersperson Noli Dimaandal nga giaksyunan nila ang report nga nadawat pinaagi sa ilahang hotline kalabot sa maong suspek.
Daling gidakop si Benemili human kini positibong napalitan sa agent sa PDEA og usa ka medium transparent plastic sachet sa shabu nga nagkantidad og Php. 10,000.00.
Kasong may paglapas sa Section 5 sa Article II sa Republic Act 9165 ang giatubang na karon sa dinakpan kinsa nakadetino karon sa PDEA detention facility.
RadyoMaN Aimee Guinita
